கிராமத்தின் அடிப்படை வசதிகள் குறித்து மனு அளிக்க திருப்பாச்சேத்தி வரை ஐந்து கி.மீ., தூரம் நடந்து வந்து சிவகங்கை, திருப்புவனம் செல்ல வேண்டியுள்ளது. சலுப்பனோடை உள்ளிட்ட கிராமங்களில் இருந்து மாணவர்கள் நடந்து வந்து தான் பள்ளி, கல்லூரி செல்ல முடியும், மதுரை மத்திய பேருந்து நிலையத்தில் இருந்து சலுப்பனோடை வரை அரசு டவுன் பஸ் இயக்கப்பட்டு வந்தது. ரோடு பணிக்காக போக்குவரத்து ஒரு வருடத்திற்கு முன் நிறுத்தப்பட்டது.

சாலைப்பணிகள் நிறைவடைந்தும் மீண்டும் பஸ் போக்குவரத்து தொடங்கப்படவில்லை. டவுன் பஸ் போக்குவரத்தை மீண்டும் தொடங்க வேண்டும், பழையனூரில் இருந்து சலுப்பனோடை, தாழிக்குளம் வழியாக மாவட்ட தலைநகரான சிவகங்கைக்கு பஸ் வசதி ஏற்படுத்தி தர வேண்டும் என கிராமமக்கள் வலியுறுத்தியுள்ளனர்.