காளையார்கோவில் அருகே சிறியூரைச் சேர்ந்த முருகன் மனைவி கன்னிகா 38. இவர் காளையார்கோவிலில் குடியிருந்து வருகிறார்.

நேற்று முன்தினம் சொந்த ஊரான சிறியூரில் விவசாய பணிக்காக சென்று விட்டு மாலை 4:15 மணிக்கு காளையார் கோவிலுக்கு திரும்பி சென்றார். புரசடை உடைப்பு திறந்த வெளிச்சிறை அருகே சென்றபோது பின்னால் வழி கேட்பது போல் டூவீலரில் வந்தவர்கள் கன்னிகாவை வழி மறித்தனர்.

திடீரென அவரது கழுத்தில் அணிந்திருந்த 7 பவுன் தங்கச் செயினை பறித்து தப்பினர்.

கன்னிகா காளையார்கோவில் போலீசில் புகார் அளித்தார். போலீசார் வழிப்பறியில் ஈடுபட்டவர்களை தேடி வருகின்றனர்.