இந்நிலையில், 10வது முறையாக அவருக்கு 'சீட்' கிடைக்கும் என எதிர்பார்த்தார். ஆனால் தி.மு.க., தலைமை, தொகுதிக்கு புதிய முகமான நபரை எம்.பி.,யாக்க வேண்டும் என்ற முனைப்பிலும், பழனிமாணிக்கம் தொகுதி பக்கம் செல்லவில்லை என்ற குற்றச்சாட்டினாலும், முரசொலி என்பவரை எம்.பி., வேட்பாளராக அறிமுகம் செய்தது.

புதுமுகம் என்பதால் வெற்றி வாய்ப்பு குறைவாக இருக்கும் என கூறப்பட்டது. ஆனால் நடந்து முடிந்த தேர்தலில், முரசொலி 5 லட்சத்து 2,345 ஓட்டுகள் பெற்றார். எனினும், பழனிமாணிக்கம், 2019 லோக்சபா தேர்தலில், 3 லட்சத்து 68,129 ஓட்டு வித்தியாசத்தில் வெற்றி பெற்றதை, முரசொலி முறியடிக்க முடியவில்லை என, கட்சியினர் கூறுகின்றனர்.