மேலும், தஞ்சாவூர் சுற்றுலா வளர்ச்சி குழுமம் சார்பில், துணியில் சாயமிடுதல், காகிதக் பொம்மை பொம்மலாட்டம், களிமண் சிற்பம், போட்டோக்கிராபி பயிற்சிகள் மாணவர்களுக்கு வழங்கப்பட்டது. இக்கண்காட்சி நாளை 23ம் தேதி வரை நடைபெறுகிறது.

இக்கண்காட்சியில், விஷூவல் கம்யூனிகேஷன் மாணவர் சக்திவேல்,27, கும்பகோணத்தில் உள்ள பழமையான வீட்டினை மினியேச்சராக தத்ரூபமாக உருவாக்கி வைத்து இருந்தார். இதை உருவாக்க ஆறு மாத காலம் ஆனது தெரிவித்தார்.

மேலும்,கும்பகோணத்தை சேர்ந்த துர்கா,23, என்ற மாணவி கலெக்டர் பிரியங்கா பங்கஜம் ஐ.ஏ.எஸ்., என 6 மணி நேரம் 20 நிமிடங்களில் பென்சிலில் வரைந்த ஓவியத்தை, கலெக்டருக்கு வழங்கினார். மேலும், அவர் 10 கிலோ களிமண் மற்றும் பைபரை பயன்படுத்தி, கேளரா மாநிலம் வயநாடு நிலச்சரிவின் போது யானைக்கூட்டத்தின் மத்தியில் பாதுகாப்பாக இருந்த மூதாட்டி மற்றும் அவரது பேத்தி குறித்த படைப்பையும் உருவாக்கி காட்சிப்படுத்தி இருந்தார். அந்த படைப்பு அனைவரதுகவனத்தையும் ஈர்த்தது.

இது குறித்து துர்கா கூறியதாவது:

கலெக்டர் பிரியங்கா பங்கஜம் செயல்பாடுகள் என்னை மிகவும் கவர்ந்தது. எனவே தான் அவருது பெயர், பதவியை கொண்டு, அவரது உருவப்படத்தை 6 மணிநேரம் 20 நிமிடத்தில் வரைந்து பரிசாக கொடுத்தேன். இதேபோல் வயநாடு மூதாட்டி சம்பவத்தின் பைபர் சிற்பத்தை 10 கிலோ களிமண்ணை அச்சு எடுத்து, பைபரில் செய்து, ஓவியமாக உருவம் கொடுத்தேன்.

இவ்வாறு அவர் தெரிவித்தார்.