நேற்று காலை, மாநகராட்சி நிர்வாகத்தினர், வணிக வளாகத்தின் ஒரு நுழைவாயிலில் குப்பை வண்டியை நிறுத்தி, மற்றொரு வாயிலில் குப்பையை கொட்டினர். இதனால், வணிக வளாகத்துக்கு வரும் வியாபாரிகள், வாடிக்கையாளர்கள், பொதுமக்கள் முகம் சுளித்தனர்.

உடனடியாக, 5 லட்சம் ரூபாய்க்கான காசோலையை, வணிக வளாக உரிமையாளர்கள், மாநகராட்சி அலுவலகத்தில் செலுத்தினர். வணிக வளாகம் முன் இருந்த குப்பை வண்டி, குப்பை அகற்றப்பட்டன. அதிக தொகை வரி பாக்கி வைத்துள்ளவர்களிடம் இதுபோன்ற அதிரடி நடவடிக்கையை தொடர உள்ளதாக மாநகராட்சியினர் தெரிவித்தனர்.