இந்நிலையில் நேற்று அதிகாலை மூங்கில் ஏற்றிய லாரி, பாலத்தில் வழியாக வந்த போது, லாரியின் பாரம் தாங்காமல் பாலம் இடிந்து உள்வாங்கியது. இதில், லாரி பாலத்தின் இடிபாடுகளில் சிக்கியது. பாலத்தில் சிக்கிய லாரியை மீட்கும் பணியில் தொழிலாளர்கள் ஈடுபட்டனர்.

இது குறித்து, விவசாயிகள் கூறுகையில், 'பாலம் வலுவிழந்த நிலையில் இருப்பதாக அதிகாரிகளிடம் பலமுறை புகார் அளித்தும் நடவடிக்கை எடுக்காமல் அலட்சியம் காட்டினர். தற்போது, பாலம் உடைந்து போனதால், அறுவடையாகும் நெல்லை எப்படி விற்பனைக்கு கொண்டு வருவது என தெரியவில்லை. எனவே, அதிகாரிகள் உடனடியாக ஆய்வு செய்து, புதிய பாலம் கட்டித் தர வேண்டும்' என்றனர்.