கும்பகோணம் போக்குவரத்து கழக நிர்வாக இயக்குநர் பொன்முடி வெளியிட்ட செய்தி குறிப்பில் கூறியுள்ளதாவது:

தஞ்சாவூர் மாவட்டம் கும்பகோணத்தில் இருந்து சிறப்பு பஸ் சேவை புறப்பட்டு, ஒரே நாளில் திருவாரூர் மாவட்டம் எண் கண் சுப்பிரமணிய சுவாமி கோயில், சிக்கல் சிங்காரவேலன் கோயில், பொரவச்சேரி கந்தசாமி கோயில், நாகை மாவட்டம் எட்டுக்குடி சுப்பிரமணிய சுவாமி கோயில், சுவாமிமலை சுவாமிநாதசுவாமி கோயில், ஏரகரம் ஆதிசுவாமிநாதசுவாமி கோயில் என ஆறு கோயில்களையும் தரிசனம் செய்வதற்கு ஏதுவாக, ஆறுமுருகன் திருத்தலங்களுக்கு சுற்றுலா பஸ் இயக்கப்படுகிறது.

இதற்கு நபர் ஒன்றுக்கு கட்டணமாக, 650 ரூபாய் நிர்ணயிக்கப்பட்டுள்ளது. ஒவ்வொரு வாரமும் சனி மற்றும் ஞாயிற்றுக்கிழமை பயணம் செய்யலாம்;

நேரடியாக பஸ்சில் பயண சீட்டு பெற்றுக் கொள்ள முடியாது. போக்குவரத்து துறை இணையதளம் வாயிலாக தான் டிக்கெட் பெற முடியும்.

இதற்கான முதல் சேவை அக்.19ம் தேதி காலை 9:00 மணிக்கு துவங்குகிறது.

இவ்வாறு அவர் தெரிவித்தார்.