போலீஸ் ஸ்டேஷனுக்கு சென்ற தினேஷின் சகோதரிகளான மேனகா, 31, கீர்த்திகா, 29, தினேஷை வெளியே விட வேண்டும் என கூறினர். விட முடியாது என இன்ஸ்பெக்டர் கூறியதாக கூறப்படுகிறது. மேனகா, கீர்த்திகா இருவரும் போலீஸ் ஸ்டேஷன் முன் விஷம் குடித்தனர்.

மருத்துவமனையில் அனுமதிக்கப்பட்ட கீர்த்திகா நேற்று காலை உயிரிழந்தார். மேனகா தொடர்ந்து சிகிச்சை பெறுகிறார். கீர்த்திகா உடலை வாங்க மறுத்து, அவரின் உறவினர்கள் மருத்துவமனையில் போராட்டத்தில் ஈடுபட்டனர்.

எஸ்.பி., ராஜாராம் கூறுகையில், ''தினேஷ் மீது 13 வழக்குகள் உள்ளன. 2024ம் ஆண்டு மட்டும் நான்கு வழக்குகள் பதிவாகியுள்ளன. ஒவ்வொரு வழக்கில் கைது செய்ய போகும் போதும், அவரது தங்கைகள் விஷம் குடித்து விடுவதாக கூறுவது வழக்கம்,'' என்றார்.