இதை காலி செய்ய, கோவில் நிர்வாகம் பலமுறை நோட்டீஸ் அனுப்பியும் கண்டு கொள்ளவில்லை. நவ., 18ல், தஞ்சாவூர் அறநிலையத்துறை உதவி கமிஷனர் கவிதா தலைமையில் ஆக்கிரமிப்புகளை அகற்ற முயன்ற போது, ராஜரெத்தினம், அவரது மகன்கள் சரண்குமார், சந்தோஷ் ஆகியோர் கோவில் செயல் அலுவலர் சதீஷ்குமாரை தகாத வார்த்தையில் திட்டி தாக்க முயன்றனர்.

இதை தடுக்க முயன்ற கோவில் கணக்கர் ரெங்கராஜை தகாத வார்த்தைகளால் திட்டி, அவரை தாக்கி கீழே தள்ளி கொலை மிரட்டல் விடுத்தனர். இதில், கணக்கர் ரெங்கராஜ் காயமடைந்து, மயங்கி விழுந்தார்.

ரெங்கராஜ் புகாரின்படி, பட்டுக்கோட்டை நகர போலீசார் நான்கு பிரிவுகளில், ராஜரெத்தினம், சரண்குமார், சந்தோஷ் மீது வழக்கு பதிவு செய்தனர். மூவரும் தலைமறைவாகினர். அவர்களை பிடிக்க தனிப்படை அமைக்கப்பட்டது.

கரூரில் ஹோட்டல் ஒன்றில் சரண்குமாரை நேற்று முன்தினம் தனிப்படை போலீசார் கைது செய்தனர். ராஜரெத்தினம், சந்தோஷ் ஆகியோரை தேடி வருகின்றனர்.