இந்நிலையில் நேற்று மதியம் கூடலுார் அருகே வெட்டுக்காட்டில் அறுவடைக்கு தயாராக இருந்த நெற்பயிர்களில் காட்டு யானைகள் புகுந்து சேதப்படுத்தியது. பகலில் நெல் வயலுக்குள் புகுந்ததால் விவசாயிகள் அச்சம் அடைந்துள்ளனர். குள்ளப்பகவுண்டன்பட்டியைச் சேர்ந்த ராஜா என்பவருக்கு சொந்தமான நெல் வயலில் ஏராளமான நெற்பயிர்களை சேதப்படுத்தியது. வனத்துறையினர் விளை நிலங்களை ஒட்டி அகழி அமைத்தும், சோலார் மின்வேலி அமைத்தும் வனவிலங்குகள் வராமல் தடுக்க நடவடிக்கை எடுக்க வேண்டும் என விவசாயிகள் வலியுறுத்தி உள்ளனர்.