போடி: நேற்று முன்தினம் இரவு பெய்த கன மழையால் முல்லை பெரியாறில் கூடுதல் நீர் திறந்து விடப்பட்டது. ஆற்றில் ஏற்பட்ட காட்டாற்று வெள்ளத்தால் உப்புக்கோட்டை வரதராஜ பெருமாள் கோயில் அருகே உள்ள குடியிருப்புகளை நீர் சூழ்ந்தது. கூழையனுார், பாலார்பட்டி, குண்டல் நாயக்கன்பட்டி உள்ளிட்ட பகுதியில் உள்ள தோட்டங்களுக்குள் வெள்ளநீர் புகுந்தது. கூழையனூர் அருகே துரைச்சாமிபுரத்தில் உலகநாதன் தோட்டத்தில் பயிரிடப்பட்டு இருந்த ஆயிரத்திற்கும் மேற்பட்ட வாழைகள் நீரில் மூழ்கின.