உத்தமபாளையம்: உத்தமபாளையம் ஹாஜி கருத்த ராவுத்தர் கவுதியா கல்லுாரியின், மனித உரிமைகள் கிளப் சார்பில், மனித உரிமைகள் குறித்த விழிப்புணர்வு கூட்டம், கலந்துரையாடல் நடந்தது. கிளப்பின் ஒருங்கிணைப்பாளர் முனைவர் அனிஸ் பாத்திமா தலைமை வகித்து பேசியதாவது: மனித உரிமைகள் பற்றி ஒவ்வொரு சராசரி மனிதனும் தெரிந்து கொள்ள வேண்டும். அதற்கான முன்னெடுப்புக்களை நாம் மேற்கொள்ள வேண்டும். மனித உரிமைகள் பிரச்னைகள் தொடர்பாக மாணவர்கள் தெரிந்து கொள்ள வேண்டும். மனித உரிமைகள் கல்வி தொடர்பான டிஜிட்டல் உள்ளடக்கம் குறித்த அர்த்தமுள்ள விவாதங்களை ஊக்குவிப்பதையும் நோக்கமாக கொண்டதுஎன்றார்.