/
உள்ளூர் செய்திகள்
/
தேனி
/
கோவிந்தநகரத்தில் காட்டுப்பன்றிகளால் மக்காச்சோள பயிர் சேதம்
/
கோவிந்தநகரத்தில் காட்டுப்பன்றிகளால் மக்காச்சோள பயிர் சேதம்
கோவிந்தநகரத்தில் காட்டுப்பன்றிகளால் மக்காச்சோள பயிர் சேதம்
கோவிந்தநகரத்தில் காட்டுப்பன்றிகளால் மக்காச்சோள பயிர் சேதம்
ADDED : நவ 30, 2025 04:28 AM

தேனி: தேனி அருகே கோவிந்த நகரத்தில் காட்டுப்பன்றிகளால் மக்காசோள பயிர்கள் சேதமடைந்துள்ளது. அவற்றை கட்டுப்படுத்த அதிகாரிகள் நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.
கோவிந்தநகரம் கிராமத்தில் விவசாயிகள் பலரும் மக்காச்சோளம் சாகுபடி செய்துள்ளனர். இந்த கிராமத்தில் இருந்து சுமார் 3 கி.மீ., துாரத்தில் கண்டமனுார் வனசரகத்திற்கு உட்பட்ட காப்பு காடுகள் அமைந்துள்ளது.
அந்த காட்டிற்குள் இருந்து இரவில் வரும் காட்டுப்பன்றிகள் சாகுபடி செய்துள்ள பயிர்களை சேதப்படுத்தி செல்வது கடந்த சில நாட்களாக அதிகரித்துள்ளது.
இதனால் அறுவடைக்கு முன்னரே பயிர்கள் சேதமடைகின்றன. பல ஆயிரம் ரூபாய் செலவு செய்து உரிய மகசூல் இன்றி பாதிப்பு ஏற்படுகிறது. விவசாயிகள் கூறுகையில், இரவில் காவல் இருக்கும் விவசாயிகளுக்கு காட்டுப்பன்றிகள் நடமாட்டம் தென்பட்டால் பட்டாசு வெடிக்கிறோம்.
ஆனால், காட்டுப் பன்றிகள் இதற்கு பயப்படுவதில்லை.
வனத்துறை அதிகாரி களிடமும் இதுபற்றி தெரிவித்துள்ளோம்.
காட்டுப்பன்றிகள் பயிர்களை சேதப்படுத்துவதை தவிர்க்க வனத்துறை உரிய நடவடிக்கை எடுக்க வேண்டும் என்றனர்.

