பெரியகுளம் தாலுகா ஜெயமங்கலம், நடுப்பட்டி, பொம்மிநாயக்கன்பட்டி, சில்வார்பட்டி பகுதியில் 900 ஏக்கரில் நெல் அறுவடை நடந்து வருகிறது.

முதல்கட்டமாக 50க்கும் அதிகமான விவசாயிகள்,ஜெயமங்கலம் தற்காலிக நெல்கொள்முதல் நிலையத்தில் எடை போடுவதற்காக ஆயிரக்கணக்கான கிலோவில் நெற்மணிகளை குவித்தனர்.

11 நாட்களாகியும் நுகர்பொருள் வாணிப கழகத்தினர் நெல் கொள்முதல் செய்வதற்கு வரவில்லை.

இதனால் விவசாயிகள் சிரமம் அடைந்தனர்.

விரைவில் நுகர்பொருள் வாணிபக் கழகத்தினர் எடை போடுவதற்கு நடவடிக்கை எடுக்க வேண்டும் என தினமலர் நாளிதழில் படத்துடன் செய்தி வெளியானது. இதன் எதிரொலியாக நேற்று முதல் நெல் கொள்முதல் நிலையம் செயல்பட துவங்கி உள்ளது.--