மதுரையில் யங்மேன் மல்டி ஸ்போர்ட்ஸ் கராத்தே அகாடமி சார்பில் மாநில அளவிலான சிலம்பம், கராத்தே போட்டி நடந்தது.இதில் 1200 க்கும் மேற்பட்டோர் பங்கேற்றனர்.

இதில் போடி லவகுசா அகடாமியை சேர்ந்த 24 மாணவர்கள் பங்கேற்றனர். பெண்கள் 17 வயது பிரிவில் சிலம்ப போட்டியில் போடி ஜ.கா.நி., மேல் நிலைப்பள்ளி மாணவிகள் ஹாசினிப் பிரியா, கோபிகா, நேசிகா, மேகா ஸ்ரீ, பிருத்திகலா, சுருதிகா முதலிடமும், ஆண்கள் 14 வயது பிரிவில் கவின் முதலிடமும், 10 வயது பிரிவில் மாணவர்கள் சக்திவேல், ஹர்சன், தியான் முதல் மூன்று இடங்களை வென்றனர்.

கராத்தே போட்டியில் 14 வயது பிரிவில் போடி ஜ.கா.நி., மெட்ரிக் பள்ளி மாணவர் யோகேஸ்வரன் முதலிடம், சஞ்சீவன், சஸ்வத்பாண்டி, சம்பத் 2ம் இடம், மெகுல், தீவிஸ் கிருஷ்ணா 3ம் இடமும் வென்றனர். பெண்கள் போட்டியில் 17 வயது பிரிவில் ஹர்சிகா, ஹர்சினி முதலிடமும், 10 வயது பிரிவில் பிரகன்யா. கன்னிகா 3ம் இடம் வென்றனர்.

வெற்றி பெற்ற மாணவர்கள், மாஸ்டர் முருகேசன் ஆகியோரை பள்ளித் தலைவர் செந்தில் தியாகராஜன், செயலாளர் இனாயத் உசேன்கான், தலைமையாசிரியர் ராமசுப்பிரமணி, முதல்வர் உமா ஆகியோர் பாராட்டி பரிசுகள் வழங்கினர்.