திருநெல்வேலி:திருநெல்வேலி மேலப்பாளையம் ஆமீன்புரத்தைச் சேர்ந்த அமீர் அம்சா மகன் செய்யது தாமின் 32. மேலப்பாளையம் பஜாரில் ஒரு கட்டட மாடியில் ஆன்லைன் சேவை மையம் நடத்தி வந்தார். நேற்று முன்தினம் இரவு அலுவலகத்தில் தனியாக இருந்தபோது அங்கு வந்த இரண்டு பேர் அவரை சரமாரியாக வெட்டிக் கொலை செய்து தப்பினர். அவர் நீண்ட நேரம் வீட்டுக்கு வராததால் குடும்பத்தினர் சென்ற பார்த்தபோது அலுவலகத்தில் ரத்த வெள்ளத்தில் இறந்து கிடந்த தெரிந்தது. மேலப்பாளையம் போலீசார் விசாரித்தனர்.