சுத்தமல்லி அருகே பொன்விழா நகரை சேர்ந்தவர் மாரியப்பன். மனைவி ஆண்டிச்சி 65.

ஜன., 8ம் தேதி பகலில் மாரியப்பன் வெளியே சென்றிருந்தார். ஆண்டிச்சி வீட்டில் தனியாக இருந்தார்.

அப்போது அங்கு வந்த மர்ம நபர்கள் 2 பேர் அவரது வாயில் துணியை வைத்ததோடு, கயிற்றால் கட்டி போட்டு விட்டு அவர் அணிந்திருந்த கம்மல், மூக்குத்தி உட்பட 10 பவுன் தங்க நகைகள், பீரோவில் இருந்த 16 பவுன் நகைகள், 6 லட்சம் பணத்தை கொள்ளையடித்து சென்றனர். சுத்தமல்லி போலீசார் விசாரித்தனர்.

சிசிடிவி காட்சி அடிப்படையில் அதே பகுதியில் இன்னொரு காலனியில் வசிக்கும் சுந்தர் 28, மணிகண்டன் 30, ஆகியோரை போலீசார் கைது செய்தனர்.

அவர்கள் கொள்ளையடித்த நகைகளை சென்னையில் அடகு வைத்து பணம் பெற்றது தெரிய வந்தது.

போலீசார் நகைகளையும் மீட்டனர்.