திருநெல்வேலி மாவட்டம் கீழநத்தத்தை சேர்ந்தவர் மாயாண்டி 23. 2023 ஆக., 13ல் கீழநத்தத்தில் ராஜாமணி என்பவரது கொலை வழக்கில் கைதானார்.

ஜாமீனில் வந்தவர் வேறு வழக்கு ஒன்றில் ஆஜராக டிச., 20 காலை 10:00 மணிக்கு திருநெல்வேலி கோர்ட்டுக்கு வந்தார். கோர்ட் முன்பாக மெயின் ரோட்டில் வழிமறித்த கும்பல் அவரை வெட்டிக் கொலை செய்தது. இந்த சம்பவத்தில் ஏற்கனவே கொலை செய்யப்பட்ட ராஜாமணியின் தம்பி மனோராஜ் உள்ளிட்ட 7 பேர் கைது செய்யப்பட்டனர்.

மாயாண்டியின் உடலை அவரது குடும்பத்தினர் பிரேத பரிசோதனைக்கு பிறகு பெற மறுத்தனர்.

போலீஸ் அதிகாரிகள், தாசில்தார் முன்னிலையில் குடும்பத்தினரிடம் பேச்சுவார்த்தை நடந்தது. நேற்று மாலை மாயாண்டியின் உடல் குடும்பத்தினரிடம் ஒப்படைக்கப்பட்டு சொந்த ஊர் கீழநத்தத்தில் இறுதிச்சடங்குகள் மேற்கொள்ளப்பட்டன.