சுத்தமல்லி அருகே பொன்விழாநகரைச் சேர்ந்தவர் மாரியப்பன். இவரது மனைவி ஆண்டிச்சி 65. நேற்று மதியம் மாரியப்பன் வெளியே சென்றார். ஆண்டிச்சி மட்டும் வீட்டில் தனியாக இருந்தார். அப்போது மர்ம நபர்கள் 3 பேர் ஆண்டிச்சியை கயிற்றால் கட்டி போட்டனர். பின் அவர் அணிந்திருந்த நகைகள், கம்மல், மூக்குத்தி மற்றும் வீட்டில் பீரோவில் இருந்த பணம், நகைகளை கொள்ளையடித்து தப்பி சென்றனர்.

போலீசாரின் முதற்கட்ட விசாரணையில் 25 பவுன் நகைகள், ரூ. 3 லட்சம் கொள்ளை போனது தெரியவந்தது. இதில் ஈடுபட்ட மூவரை சுத்தமல்லி போலீசார் தேடி வருகின்றனர்.