திருநெல்வேலி:தென்காசி மாவட்டம் செங்கோட்டை அருகே வல்லத்தைச் சேர்ந்த 16 வயது சிறுமி குற்றாலம் பகுதியில் உள்ள ஒரு பள்ளியில் 11-ம் வகுப்பு படித்து வந்தார். இன்ஸ் டாகிராம் மூலம் அகரகட்டுவைச் சேர்ந்த கோகுலுடன் 24, நட்பு ஏற்பட்டது. அக்., 5 மாலை கோகுலுடன் டூவீலரில் குற்றாலம் ரோட்டில் சென்றார். வளைவில் டூவீலர் கட்டுப்பாட்டை இழந்து விபத்திற்குள்ளானது. இதில் மாணவி தூக்கி வீசப்பட்டு படுகாயமடைந்தார். கோகுல் காயம் அடைந்தார். இருவரும் மீட்கப்பட்டு சிகிச்சைக்காக தென்காசி அரசு மருத்துவமனைக்கு அனுப்பப்பட்டனர்.