கடந்த சில நாட்களுக்கு முன் நிலமோசடியில் ஈடுபட்டதாக கைதான மதுரையை சேர்ந்த திமுகவினர் பொட்டு சுரேஷ், மாவட்ட செயலாளர் தளபதி, கொடி சந்திரசேகர் உட்பட 5 பேர் சிறையில் அடைக்கப்பட்டுள்ளனர். சமச்சீர் கல்வியை வலியுறுத்தி திமுகவினர் நடத்திய போராட்டத்தில் கைது செய்யப்பட்ட முன்னாள் எம்எல்ஏ.,மாலைராஜா, துணை மேயர் முத்துராமலிங்கம் உட்பட 47 நெல்லை திமுகவினர் சிறையில் உள்ளனர்.

சிறையில் கைதிகள் எண்ணிக்கை அதிகரித்துவருவதால் இட நெருக்கடி ஏற்பட்டுள்ளது. கைதிகளுக்கு தேவையான வசதிகளை செய்துகொடுக்க முடியாமல் சிறைத்துறை நிர்வாகம் திணறிவருகிறது.இதற்கிடையே திருவாரூர் மாவட்ட திமுக செயலாளர் பூண்டி கலைவாணன், பஞ்.,தலைவர் பாலச்சந்திரன், திமுக செயலாளர் சுப்பிரமணியன் உட்பட 7 பேர் நேற்று பாளை., மத்திய சிறைக்கு கொண்டு வரப்பட்டனர்.நெல்லை, தூத்துக்குடி, குமரி மாவட்டத்தில் பதிவு செய்யப்படும் வழக்குகளில் கைதாகும் விசாரணைக் கைதிகள், ரிமாண்ட் கைதிகள் என பாளை., மத்திய சிறைக்கு கொண்டு வரப்படும் கைதிகளின் எண்ணிக்கை தினமும் அதிகரித்துவருகிறது.இன்று(1ம் தேதி) சமச்சீர் கல்வியை வலியுறுத்தி தமிழகம் முழுவதும் ஆர்ப்பாட்டம், மறியல் நடத்த திமுக அழைப்பு விடுத்துள்ளது. போலீஸ் அனுமதியில்லாததால் மறியலில் ஈடுபடும் திமுகவினர் கைது செய்யப்பட்டு ரிமாண்ட் செய்ய நேரிட்டால் அவர்களை எப்படி சிறையில் அடைப்பது என தெரியாமல் போலீசாரும், சிறைத்துறை அதிகாரிகளும் கவலையடைந்துள்ளனர்.

கே.செல்வக்குமார்-