கூட்டத்திற்கு ஓய்வூதியர் சங்க தலைவர் கார்த்திகேயபாண்டியன் தலைமை வகித்தார். துணைத் தலைவர் ராமன் முன்னிலை வகித்தார். சங்கரநாராயணன் வரவேற்றார். செயலாளர் கவிஞர் கருப்பசாமி ஆண்டறிக்கை வாசித்தார்.கூட்டத்தில் அதிக உறுப்பினர்கள் சேர்ப்பது, சங்க தேர்தல் நடத்துவது, மறைந்த உறுப்பினர்களின் பென்ஷன் தொகையை குடும்பத்தாருக்கு மாற்றி கொடுப்பது, சட்டசபை கூட்டம் முடிந்தபின் தென்காசி எம்.எல்.ஏ.,சரத்குமார், கதர் மற்றும் கிராம தொழில்துறை அமைச்சர் செந்தூர்பாண்டியனை ஆண்டு விழாவிற்கு அழைப்பது என்பன போன்ற தீர்மானங்கள் நிறைவேற்றப்பட்டது.ராஜீவேல் நன்றி கூறினார்.