திருநெல்வேலி:நெல்லையில் மதிமுக மாநாட்டையொட்டி கல்லூரி மாணவர்களுக்கு கட்டுரை, கவிதைப்போட்டி நடக்கிறது.நெல்லை மாநகர் மாவட்ட மதிமுக செயலாளர் பெருமாள் அறிக்கை:நெல்லையில் மதிமுக சார்பில் வரும் 15ம்தேதி அண்ணா பிறந்தநாள் விழா திறந்தவெளி மாநாடு நடப்பதையொட்டி இலக்கிய அணி சார்பில் கல்லூரி மாணவ, மாணவிகளுக்கு கட்டுரை, கவிதைப்போட்டி நடக்கிறது.கட்டுரைப்போட்டியில் பங்கேற்பவர்கள் 'அண்ணாவின் வண்ணத்தமிழும், மழைத்தமிழும்' என்ற தலைப்பில் 8 பக்க அளவில் கட்டுரை எழுத வேண்டும். அண்ணாவின் இலக்கியப்படைப்புகளின் சுவை, மேடைப்பேச்சின் அழகுத்தமிழை குறிப்பிடும் வகையில் கட்டுரை இருக்க வேண்டும்.கவிதைப்போட்டியில் பங்கேற்பவர்கள் 'அண்ணாந்து பார்த்தேன் அண்ணா' என்ற தலைப்பில் 40 வரிகளுக்குள் மரபுக்கவிதையோ, புதுக்கவிதையோ எழுதலாம்.