தென்காசி:தென்காசியில் விநாயகர் சதுர்த்தி ஊர்வலம் மற்றும் விநாயகர் சிலை விசர்ஜனம் நடந்தது.தென்காசி காசிவிசுவநாதர் கோயில் முன் விநாயகர் சதுர்த்தியை முன்னிட்டு விநாயகர் சிலை பிரதிஷ்டை செய்யப்பட்டு வழிபாடு நடந்தது. நேற்று மாலையில் வக்கீல் திருமால்வடிவு ஆன்மிக சொற்பொழிவு நடந்தது. இதன் பின்னர் நடந்த கூட்டத்திற்கு இந்து முன்னணி மாநில துணைத் தலைவர் ஜெயக்குமார் தலைமை வகித்து சிறப்புரையாற்றினார். பா.ஜ.,மாநில செயற்குழு உறுப்பினர் குமரேச சீனிவாசன், மாவட்ட வர்த்தக அணி தலைவர் ராஜாசிங், நகர தலைவர் விவேக் பாண்டியன், இந்து முன்னணி மாவட்ட செயலாளர் சாக்ரடீஸ், சிவா, வேலு பேசினர்.