விவசாயிகள் நலன் கருதி விவசாய கருவிகளுக்கு வேளாண் பொறியியல் துறையின் சார்பில், 50 சதவீதம் மானியம் வழங்கி வருகிறது.

இது குறித்து திருத்தணி வேளாண் பொறியியல் துறை உதவி பொறியாளர் ராஜவேல் கூறியதாவது: திருத்தணி ஒன்றியத்தில் விவசாயிகள் நலன்கருதி, பவர் டில்லர், பவர் வீடர், டிராக்டர், ரோட்டோவிட்டர், ஏர் கலப்பை உள்பட பல்வேறு வேளாண் கருவிகள், 50 சதவீதம் மானிய விலையில் வழங்கப்படுகிறது. மேற்கண்ட இயந்திர கருவிகள் தேவைப்படும் விவசாயிகள், கணினி சிட்டா, அடங்கல், ஆதார் கார்டு, பேன்கார்டு, ரேஷன்கார்டு, வங்கி கணக்கு புத்தகம் ஆகியவற்றுடன் விண்ணப்பம் செய்தால், மானிய விலையில் விவசாய கருவிகள் பெறலாம்.

இவ்வாறு அவர் கூறினார்.