இதில், மலை மீது அமைந்துள்ளது குகைக்கோவில். இக்கோவில் தொல்லியல் துறையால் பாதுகாக்கப்பட்டு வருகிறது. வள்ளிமலையில் ஏராளமான திருமணங்கள் நடத்தப்பட்டு வருகின்றன.

மாசி பிரம்மோற்சவம் வள்ளிமலையில் மிகவும் பிரசித்தமாக நடத்தப்பட்டு வருகிறது. நேற்று முன்தினம் மாசி பிரம்மோற்சவம் துவங்கியது. இரவு 7:00 மணிக்கு மூஷிக வாகனத்தில் உற்சவர் முருகப்பெருமான் எழுந்தருளினார்.

நேற்று காலை 7:30 மணிக்கு கொடியேற்றம் நடந்தது. இரவு 8:00 மணிக்கு மயில் வாகனத்தில் உற்சவர் எழுந்தருளினார். சிம்மம், தங்கமயில், நாக வாகனம், அன்னம், யானை வாகனம் என, தினமும் பல்வேறு வாகனங்களில் எழுந்தருளும் முருகப்பெருமான், வரும் 10ம் தேதி மாலை 5:00 மணிக்கு தேரில் பவனி வருகிறார்.

வள்ளிமலை சுற்றுப்பகுதி கிராமங்களில் எழுந்தருளும் முருகப்பெருமான், கோட்டநத்தம், சின்னகீசகுப்பம், சோமநாதபுரம், பெருமாள் குப்பம் என, பல்வேறு கிராமங்களை கடந்து, 13ம் தேதி மாலை 5:00 மணிக்கு கோவில் நிலைக்கு வந்தடைகிறார்.