இதையொட்டி, தினமும் காலையில் மூலவருக்கு சிறப்பு அபேிஷகம், மதியம் மகா பாரத சொற்பொழிவு, இரவு நாடகமும் நடந்து வந்தது. கடந்த 1ம் தேதி திரவுபதியம்மன் திருமணம், 3ம் தேதி சுபத்திரை திருமணம், 7ம் தேதி அர்ஜூனன் தபசு நடந்தது.

நேற்று காலை, 8:45 மணியளவில் கோவில் வளாகத்தில் துரியோதனன் படுகளம் நிகழ்ச்சி நடந்தது. இதில் பீமன், துரியோதனனை வதம் செய்யும் நிகழ்ச்சி நடந்தது. பெண்கள் கோவில் வளாகத்தில் பொங்கல் வைத்து, அம்மனுக்கு படைத்து வழிப்பட்டனர்.

மாலை, 6:00 மணிக்கு பக்தர்கள் காப்பு கட்டி விரதம் இருந்து அக்னி குண்டத்தில் இறங்கி தீமிதித்தனர். இதில் ஏற்பட்ட தள்ளுமுள்ளுவில் 5 பக்தர்கள் தீ காயம் அடைந்தனர்.

இரவு, வாணவேடிக்கை மற்றும் உற்சவர் அம்மன் சிறப்பு அலங்காரத்தில் திருவீதியுலா வந்து அருள்பாலித்தார். இன்று காலை 11:00 மணிக்கு தர்மர் பட்டாபிஷேகத்துடன் தீமிதி விழா நிறைவு பெறுகிறது.

l ஆர்.கே.பேட்டை அடுத்த ராஜாநகரம் கிராமத்தில் திரவுபதியம்மன் தீமிதி திருவிழா நேற்று நடந்தது.

கடந்த 18 நாட்களாக நடந்து திருவிழாவில், பகாசூரன் கும்பம், அர்ச்சுணன் தபசு, திரவுபதியம்மன் திருக்கல்யாணம் உள்ளிட்டவை நடந்தன.நேற்று காலை 10:00 மணிக்கு துரியோதனன் படுகளம் நடத்தப்பட்டது. கோவில் வளாகத்தில் செய்யப்பட்டிருந்த பிரம்மாண்ட களிமண் சிலையை ஒட்டி, தெருக்கூத்து கலைஞர்கள் படுகளம் நிகழ்ச்சி நடத்தினர்.

தொடர்ந்து சபதம் நிறைவேற்றிய திரவுபதியம்மன், தீர்த்தவாரிக்கு எழுந்தருளினார். உடன் காப்புகட்டி விரதம் மேற்கொண்டிருந்த பக்தர்களும் வலம் வந்தனர். மாலை 6:00 மணிக்கு, திரவுபதியம்மன் அக்னி குண்டத்தில் இறங்கினார். இன்று காலை தர்மராஜா பட்டாபிஷேகத்துடன் விழா நிறைவு பெறுகிறது.