இந்த சாலை சந்திப்பு பகுதியில், 2013ம் ஆண்டு 4.50 லட்சத்தில் ஆண்கள் சுகாதார வளாகம் கட்டப்பட்டது. ஆனால், தற்போது வரை பயன்பாட்டிற்கு வராமல் பூட்டியே கிடக்கிறது. இதனால், இங்கு குப்பை கொட்டி எரிக்கப்படுகிறது.

மேலும், இரவு நேரங்களில் 'குடி'மையமாக மாறி வருகிறது. இந்த சுகாதார வளாகம் பூட்டியே கிடப்பதால், மப்பேடு கூட்டுச் சாலைக்கு வரும் ஆண்கள் அடிப்படை வசதிகளுக்கு கூட கடும் சிரமப்பட்டு வருகின்றனர்.

இதுகுறித்து பலமுறை பகுதிவாசிகள் சம்பந்தப்பட்ட அதிகாரிகளுக்கு புகார் அளித்தும், எவ்வித நடவடிக்கையும் எடுக்க வில்லையென குற்றச்சாட்டு எழுந்துள்ளது.

இந்நிலையில், தற்போது ஆண்கள் சுகாதார வளாகம் அருகே குப்பை கொட்டப்பட்டு எரிக்கப்பட்டு வருவது பகுதிவாசிகளிடையே கடும் அதிர்ச்சியை ஏற்படுத்தி உள்ளது.

எனவே, மாவட்ட நிர்வாகம் ஆண்கள் சுகாதார வளாகத்தை சீரமைத்து, பயன்பாட்டிற்கு கொண்டு வர தகுந்த நடவடிக்கை எடுக்க வேண்டுமென, பகுதிவாசிகள் கோரிக்கை விடுத்துள்ளனர்.