தி.நகர், வெங்கட்நராயணா தெருவில் உள்ள சென்னை மாநகராட்சி மைதானத்திலும், பெரியமேடு, நேரு விளையாட்டு மைதானத்திலும், போட்டிகள் நடந்தன.

ஆண்களுக்கான கடைசி லீக் ஆட்டங்களில், எஸ்.டி.ஏ.டி., அணி, 79 - 70 என்ற கணக்கில், எஸ்.ஆர்.எம்., அணியையும், இந்தியன் வங்கி அணி, 68 - 56 என்ற கணக்கில் ஐ.சி.எப்., அணியையும் தோற்கடித்தன. அதேபோல், பெண்களில் எஸ்.டி.ஏ.டி., அணி 68 - 47 என்ற கணக்கில் ஜெ.ஐ.டி., அணியையும், ரைசிங் ஸ்டார் அணி, 70 - 62 என்ற கணக்கில் இந்துஸ்தான் அணியையும் வீழ்த்தின.

அனைத்து போட்டிகள் முடிவில், ஆண்களில் இந்தியன் வங்கி முதலிடத்தையும், ஐ.சி.எப்., - எஸ்.டி.ஏ.டி., மற்றும் எஸ்.ஆர்.எம்., அணிகள் அடுத்தடுத்த இடங்களையும் வென்றன.

பெண்களில், ரைசிங் ஸ்டார் முதலிடத்தையும், இந்துஸ்தான் இரண்டாம் இடத்தையும், எஸ்.டி.ஏ.டி., மற்றும் ஜெ.ஐ.டி., அணிகள், மூன்று மற்றும் நான்காம் இடங்களை பெற்றன.