இதையொட்டி, காலையில் அம்மன் கோவில்களில் மூலவருக்கு சிறப்பு அபிஷேகம், அலங்காரம் மற்றும் தீபாராதனை நடந்தது. காலை 9:00 மணிக்கு கூழ்வார்த்தல் நிகழ்ச்சியும், மாலையில் பெண்கள் கோவில் வளாகத்தில் பொங்கல் வைத்து வழிப்பட்டனர்.

இரவு 7:00 மணிக்கு களிமண்ணால் செய்யப்பட்ட கங்கையம்மன் மற்றும் பூகரம் சிறப்பு அலங்காரத்தில் கிராமங்களில் உள்ள அனைத்து தெருக்களிலும் வீதியுலா வந்தது.

இரவு 10:00 மணிக்கு கும்பம் கொட்டும் நிகழ்ச்சியும், தொடர்ந்து நாடகமும் நடந்தது.

l ஆர்.கே.பேட்டை மற்றும் சுற்றுப்பகுதி கிராமங்களில் நேற்று கங்கையம்மன் ஜாத்திரை திருவிழா நடந்தது. பக்தர்கள், தங்களின் வீடுகளில் கங்கையம்மனுக்கு சிறப்பு பூஜை நடத்தினர். வீடுகளில் நடந்த சிறப்பு பூஜையை தொடர்ந்து பக்தர்கள், தங்களின் நேர்த்திக்கடனாக மாறுவேடம் தரித்து, தெருக்களில் வலம் வந்தனர்.

- நமது நிருபர் குழு -