திருப்பணிகள் முடிந்த நிலையில், நேற்று மஹா கும்பாபிஷேகம் விமரிசையாக நடந்தது. இதற்காக கடந்த, 28 ம் தேதி கணபதி ஹோமம், கோ பூஜை, முதல்யாகசாலை பூஜைகள் நடந்தன.

நேற்று முன்தினம், புதிய பிம்பம் கண்திறத்தல், புதிய பிம்ப பிரதிஷ்டை உள்ளிட்ட பல்வேறு பூஜைகள் நடந்தன. நேற்று காலை, நான்காம் யாகசாலை பூஜைகள், கடம் புறப்பாடு ஆகியவற்றை தொடர்ந்து, சிவசாச்சாரியார்கள் வேத மந்திரங்கள் ஓத, வாண வேடிக்கைகளுடன், கோவில் கலசத்திற்கு புனித நீர் ஊற்ற கும்பாபிஷேகம் நடந்தது.

பக்தர்கள் மீது புனிதநீர் தெளிக்கப்பட்டது. அதை தொடர்ந்து, மூலவருக்கு மஹாபிஷேகம் மற்றும் தீபாராதனை நடந்தது. கும்பாபிஷேக விழாவில் ஏராளமான பக்தர்கள் திரளாக பங்கேற்று விநாயகரை வணங்கி சென்றனர்.