கும்மிடிப்பூண்டி:ஆந்திர மாநிலம், பீச்சாட்டூர் நீர்த்தேக்கத்தில் இருந்து, வெளியேற்றப்படும் தண்ணீர், ஆரணி ஆற்றில் கரைபுரண்டு ஓடுகிறது. இதனால், கவரைப்பேட்டை அருகே ஆரணி ஆற்றை ஒட்டியுள்ள ஆர்.என்.கண்டிகை, மேல்முதலம்பேடு, கீழ்முதலம்பேடு கிராமங்களில், நேற்று முன்தினம் இரவு, விளை நிலங்களில், ஆற்று வெள்ளம் புகுந்தது. இதனால், 110 ஏக்கர் நெற்பயிர்கள் தண்ணீரில் மூழ்கின.