திருத்தணி முருகன் கோவிலில் ஆண்டுதோறும் ஆடிக்கிருத்திகை மற்றும் தெப்பத்திருவிழா ஐந்து நாட்கள் கொண்டாடப்படுகிறது.

இந்த விழாவிற்கு தமிழகம், ஆந்திரா, கர்நாடகம், புதுச்சேரி உள்பட பல்வேறு மாநிலங்களில் இருந்து பல லட்சக்கணக்கான பக்தர்கள் காவடிகளுடன் வந்து மூலவரை தரிசிப்பர்.

பெரும்பாலான பக்தர்கள் ஆட்டோ, கார், வேன், லாரி, பேருந்துகள் மற்றும் இரு சக்கர வாகனங்களில் வருவர். இதனால் மலைக்கோவிலில் வாகனங்கள் நிறுத்துவதற்கு இடம் பற்றாக்குறையால் மலையடி வாரத்தில் ஒருங்கிணைந்த நீதிமன்றத்தின் பின்புறம் வாகனங்கள் நிறுத்துவதற்கு இடம் தேர்வு செய்து, வாகனங்கள் நிறுத்தப்பட்டு வருகின்றன.

அடுத்த மாதம், 14ம் தேதி முதல் 18ம் தேதி வரை ஆடிக்கிருத்திகை மற்றும் தெப்பத் திருவிழா நடைபெற உள்ளது.

விழாவிற்கு வரும் வாகனங்கள் நிறுத்துவதற்கு, நீதிமன்றம் பின்புறம் உள்ள கோவில் இடத்தை பொக்லைன் இயந்திரம் மூலம் சீரமைக்கும் பணி நடந்து வருகிறது.