இங்கு அரசு தொடக்கப் பள்ளி உள்ளது. இதில் இரண்டு ஆசிரியர்கள் பணியாற்றுகின்றனர். கிராமத்தைச் சேர்ந்த, 21 மாணவ - மாணவியர் கல்வி கற்கின்றனர். இந்த பள்ளிக்கு செல்லும் சாலையில், சமீபத்தில் புதிய மின்கம்பம் அமைக்கப்பட்டது.

ஊத்துக்கோட்டை மின்வாரிய அலுவலகம் வாயிலாக அமைக்கப்பட்ட புதிய மின்கம்பம் கான்கிரீட் பெயர்ந்து, உடைந்து விழும் நிலையில் உள்ளது.

எனவே, நந்திமங்களம் கிராமத்தில் அபாயகரமான நிலையில் உள்ள மின்கம்பத்தை உடனடியாக மாற்ற வேண்டும் என, பொதுமக்கள் கோரிக்கை விடுத்துள்ளனர்.