ஆச்சி மசாலா குழும தலைவர் ஏ.டி.பத்மசிங் ஐசக் பேசியதாவது:

ஆச்சி மசாலா நிறுவனம் துவங்கி, 25 ஆண்டுகளில், 22 மாநிலங்களில் உற்பத்தி தொழிற்சாலை அமைக்கப்பட்டு உள்ளது.

இங்கிருந்து, 220 வகையான உணவு பொருட்கள் 65 நாடுகளுக்கு ஏற்றுமதி செய்யப்படுகிறது. 15 லட்சம் கடைகள் வழியாக, கோடிக்கணக்கான வாடிக்கையாளர்களை சென்றடைகிறது.

இந்த புதிய உணவு பதப்படுத்தும் தொழிற்சாலையில், ஊறுகாய் முதற்கொண்டு, 'ரெடி டூ ஈட்' உணவு வகைகள் தயாராகின்றன. இதன் வாயிலாக, இக்கிராமத்தில், 400 பேருக்கு வேலை வாய்ப்பு கிடைக்கும்.

இவ்வாறு அவர் கூறினார்.

நிகழ்ச்சியில், ஆச்சி குழும நிர்வாக இயக்குனர்கள், அஸ்வின் பாண்டியன், அபிஷேக் ஆப்ரகாம், தெல்மா ஐசக் ஆகியோர் உடனிருந்தனர்.