இந்த ஏரியில், 2024 - --25ம் ஆண்டுக்கான ஏரி மீன்பாசி குத்தகை ஏலம் நீர்வளத்துறை உதவி பொறியாளர் காதம்பரி தலைமையில் பஞ்சாயத்து அலுவலகத்தில் நேற்று நடந்தது.

ஏலம் கேட்க அதே கிராமத்தை சேர்ந்த நான்கு பேர் வரவோலை வாயிலாக பணம் செலுத்தி இருந்தனர். காலை, 11:00 மணிக்கு ஏலம் துவங்கியது. அப்போது விவசாயிகள் ஏரியை ஏலத்திற்கு விட எதிர்ப்பு தெரிவித்தனர்.

இதனால் அங்கு சலசலப்பு ஏற்பட்டது. திருவாலங்காடு போலீஸ் இன்ஸ்பெக்டர் ராஜகோபால் தலைமையிலான போலீசார் அவர்களை சமாதானம் செய்தனர். இதனால் ஏலம் விடுவது தற்காலிகமாக தள்ளி வைக்கப்பட்டது.

இதுகுறித்து நீர்வளத்துறை உதவி பொறியாளர் காதம்பரி கூறியதாவது:

ஏரி நீரை நம்பி நவரை பருவத்தில் 200க்கும் மேற்பட்ட விவசாயிகள் பயிர் செய்துள்ளதாக கூறுகின்றனர். விவசாய பணிகளுக்காக ஏரி நீர் இறைப்பு நடைப்பெறும் எனவே அறுவடை முடிந்ததும் ஏலம் நடத்த வேண்டும் என விவசாயிகள் கோரிக்கை விடுத்து உள்ளனர்.

தற்காலிகமாக ஏலம் தள்ளி வைத்துள்ளோம். பின் தேதி அறிவித்து ஏலம் விடப்படும்.

இவ்வாறு அவர் கூறினார்.