இவர்களுக்கு அரசின் விலையில்லா சைக்கிள் வழங்கும் நிகழ்ச்சி அந்தந்த பள்ளிவளாகத்தில் நேற்று நடந்தது.

இந்நிகழ்ச்சிகளில் பங்கேற்ற திருவள்ளூர் தொகுதி தி.மு.க.- எம்.எல்.ஏ. ராஜேந்திரன் மாணவர்களுக்கு விலையில்லாசைக்கிளை வழங்கினார். இதில் திருத்தணி கல்வி மாவட்ட அதிகாரிகள், பள்ளிதலைமையாசிரியர்கள் உட்பட பலர் பங்கேற்றனர்.

திருவாலங்காடு ஒன்றியம், அருங்குளம் கிராமத்தில் அரசினர் மேல்நிலைப் பள்ளியில், 700க்கும் மேற்பட்ட மாணவர்கள் படித்து வருகின்றனர். இதில், 66 மாணவ - மாணவியர் பிளஸ் 1 படித்து வருகின்றனர். இவர்களுக்கு நேற்று இலவச சைக்கிள் வழங்கும் விழா நடந்தது.

பள்ளி தலைமை ஆசிரியர் ரவிவர்மா வரவேற்றார். மாவட்ட கல்வி அலுவலர் சுகானந்தம் பங்கேற்று, சைக்கிள்கள் வழங்கினார். நிகழ்ச்சியில் ஆசிரியர்கள், உள்ளாட்சி பிரதிநிதிகள் உள்பட பலர் பங்கேற்றனர்.