திருவள்ளூர் கலெக்டர் கவிதா வெளியிட்டுள்ள செய்திக்குறிப்பு:

மத்திய அரசால் இதர பிற்படுத்தப்பட்டோர், பொருளாதாரத்தில் பின்தங்கியவர்கள், சீர்மரபின மாணவ – மாணவியருக்கு, பிரதமர் கல்வி உதவித்தொகை திட்டம் செயல்படுத்தப்பட்டு வருகிறது.

நடப்பு, 2026 – -27ம் ஆண்டிற்கான தேசிய கல்வி உதவித்தொகை இணையதளத்தில் அறிவிக்கப்பட்டுள்ள, 100 சதவீத தேர்ச்சி பெற்ற, சிறந்த செயல்பாடு கல்வி நிறுவன பள்ளிகளில், நடப்பாண்டில் ஒன்பதாம் வகுப்பு முதல் பிளஸ் 2 வரை பயிலும் மாணவ – மாணவியர் விண்ணப்பிக்கலாம்.

விண்ணப்பத்தை, https://scholarships.gov.in என்ற இணையதளத்தில், வரும் 30ம் தேதிக்குள் விண்ணப்பிக்கலாம். இத்திட்டத்தில், கல்வி கட்டணம் மற்றும் விடுதி கட்டணமாக, ஆண்டொன்றுக்கு அதிகபட்சமாக ஒன்பது மற்றும் -10ம் வகுப்பு பயில்வோருக்கு 75 ஆயிரம் ரூபாய், பிளஸ் 1, பிளஸ் 2 மாணவ – மாணவியருக்கு, 1.25 லட்சம் ரூபாய் வரை உதவித்தொகை வழங்கப்படும்.

மாணவியருக்கு, இத்திட்டத்தில் 30 சதவீதம் ஒதுக்கீடு செய்யப்பட்டுள்ளது. இணையத்தில் பூர்த்தி செய்யப்பட்டுள்ள விண்ணப்பங்களை, அந்தந்த பள்ளி தலைமை ஆசிரியர்கள், அக்., 15ம் தேதிக்குள் சரிபார்க்க வேண்டும்.

இவ்வாறு அதில் கூறப்பட்டுள்ளது.