ஆந்திர மாநிலம், புத்துார் அடுத்த நாராயணவனம் கிராமத்தில் அமைந்துள்ளது கல்யாண வெங்கடேச பெருமாள் கோவில். திருப்பதி வெங்கடேச பெருமாள், பத்மாவதி தாயாரை திருமணம் செய்த தலம் என்பதால், மிகவும் பிரசித்தி பெற்று விளங்குகிறது. சென்னையில் இருந்து ஊத்துக்கோட்டை வழியாக புத்துார் செல்லும் மார்க்கத்தில் நாராயணவனம் அமைந்துள்ளது. சென்னையில் இருந்து ரயிலில் வருபவர்கள், புத்துார் ரயில் நிலையத்தில் இருந்து ஆட்டோ மற்றும் பேருந்தில் பயணித்து இந்த கோவிலுக்கு வர முடியும். திருமலை திருப்பதி தேவஸ்தானத்தின் கட்டுப்பாட்டின் கீழ் இந்த கோவிலின் வழிபாடுகள் நடந்து வருகின்றன.