அத்திப்பட்டு புதுநகர் பகுதியில் உள்ள தனியார் சிமென்ட் தொழிற்சாலை அருகே, வடசென்னை அனல் மின்நிலையம் நான்காவது நிலை கட்டுமான பணிகளுக்காக, புதைவழி கேபிள் வாயிலாக மின்சாரம் கொண்டு செல்லப்பபடுகிறது.

புதைவழி மின்ஒயரில் இருந்த மின்கசிவில் மேய்ச்சலுக்கு சென்ற மாடுகளில் ஒன்று சிக்கியது. இதில் மின்சாரம் பாய்ந்து சம்பவ இடத்திலேயே மாடு உயிரிழந்தது.

தகவல் அறிந்த மின்வாரியத்தினர் அங்கு சென்று, மின் துண்டிப்பு செய்து, சீரமைப்பு பணிகளை மேற்கொண்டனர். இச்சம்பவம் தொடர்பாக வெங்கடேசன், மீஞ்சூர் காவல் நிலையத்தில் கொடுத்த புகாரின்படி போலீசார் விசாரிக்கின்றனர்.