இந்த கட்டடம் 10 ஆண்டுகளாக பராமரிப்பு இல்லாமல், பாழடைந்த நிலையில் காட்சியளித்தது. நுாலகத்தில் பெண் நுாலகர் உட்பட மூன்று பேர் பணிபுரிகின்றனர். அவர்களுக்கு குடிநீர், கழிப்பறை, இருக்கை உட்பட எந்த அடிப்படை வசதியும் இல்லை. இது குறித்து, நம் நாளிதழில் தொடர்ந்து செய்தி வெளியிடப்பட்டது.

இதன் எதிரொலியாக, கடந்த 30 ஆண்டுகளாக இடவசதி இல்லாமல் அவதியடைந்த ஆவடி கிளை நுாலகம், பருத்திப்பட்டு, பசுமை பூங்காவில் உள்ள கட்டடத்தில் கடந்த வாரம் இடமாற்றம் செய்யப்பட்டது. இதையடுத்து, நேற்று காலை அமைச்சர் நாசர், நுாலகத்தை மக்கள் பயன்பாட்டிற்கு திறந்து வைத்தார். நிகழ்ச்சியில், ஆவடி மேயர் உதயகுமார், மாவட்ட நுாலகர் கவிதா மற்றும் ஆவடி மாநகராட்சி அதிகாரிகள் உடன் இருந்தனர்.