தற்போது, மழை பெய்துள்ள நிலையில், பொதுமக்களுக்கு காய்ச்சல், சளி உள்ளிட்ட உபாதைகள் ஏற்பட வாய்ப்புள்ளது. இதைத் தொடர்ந்து ஊத்துக்கோட்டை பேரூராட்சி நிர்வாகம் சார்பில், பொதுமக்களுக்கு நிலவேம்பு கசாயம் கொடுக்கப்பட்டது.

பேருந்து நிலையம், பஜார் பகுதியில், 500க்கும் மேற்பட்டவர்களுக்கு முன்னெச்சரிக்கை நடவடிக்கையாக துப்புரவு மேற்பார்வையாளர் செலபதி தலைமையில் துாய்மை பணியாளர்கள் வாயிலாக பாதசாரிகள், பேருந்தில் பயணியர்களுக்கு வழங்கினர்.

ஒவ்வொரு நாளும் பேரூராட்சிக்கு உட்பட்ட இடங்களில் வழங்கப்படும் என பேரூராட்சி நிர்வாகம் தெரிவித்தது.