வயது வாரியாக இரு பிரிவுகளாக நடந்த போட்டியில், 28 அரசு மற்றும் தனியார் பள்ளிகளின் அணிகள் பங்கேற்றன.

அதில், 17 வயதுக்கு உட்பட்டோர் பிரிவில், டி.ஜெ.எஸ்., மெட்ரிக் மேல்நிலைப் பள்ளி மாணவர்கள், முதல் இடம் பிடித்தனர்.

அந்த அணிக்கு, 8,000 ரூபாய் ரொக்கப் பரிசு, சான்றிதழ்கள் மற்றும் சுழற்கோப்பை வழங்கப்பட்டன.

பள்ளி தாளாளர் பழனி தலைமையில், வெற்றி பெற்ற அணிக்கு நேற்று பள்ளி வளாகத்தில் பாராட்டு விழா நடந்தது. பள்ளி முதல்வர் ஞானபிரகாசம், ஆசிரியர்கள், சக மாணவர்கள் பாராட்டு தெரிவித்தனர்.