இதையடுத்து, பள்ளி, கல்லூரிகளில் போதை பொருள் தடுப்பு குழுக்கள் அமைத்து, சிறந்த குழுக்களுக்கு, 1 லட்சம் ரூபாய் பரிசு வழங்கப்படும் என, தமிழக அரசு 2024 நவம்பர் மாதம் அறிவித்தது.

பள்ளி மற்றும் கல்லூரி மாணவர்களிடம் விழிப்புணர்வு ஏற்படுத்தும் வகையில், கல்வி, கலை மற்றும் விளையாட்டு ஆகியவற்றுக்கு குழுக்கள் இருப்பது போல், போதைப் பொருள் தடுப்பு குழுக்கள் உருவாக்கப்பட்டது.

இந்நிலையில், பள்ளி, கல்லுாரிகளில் ஆரம்பிக்கப்பட்ட போதை பொருள் தடுப்பு குழுக்கள் எவ்வித செயல்பாடும் இல்லாமல் கானல் நீராக உள்ளது. இதனால், அரசு பள்ளி, கல்லுாரி மாணவர்களிடம் போதை பொருள் பழக்கம் அதிகரித்து வருகிறது.இதற்கு, பள்ளி அருகே உள்ள கடைகளை காவல்துறையினர் முறையாக ஆய்வு செய்யாமல், அலட்சியம் காட்டி வருவதே காரணம் என, பெற்றோர் குற்றஞ்சாட்டுகின்றனர். மேலும், காவல் துறையினர் பெயரளவிற்கு சோதனை செய்து வருவதாகவும் குற்றச்சாட்டு எழுந்துள்ளது.

திருவள்ளூர் மாவட்டத்தில் போதை மாத்திரை மற்றும் கஞ்சா வழக்கில் பலரை கைது செய்யும் காவல் துறையினர், பள்ளி அருகே உள்ள கடைகளில் பான் மசாலா, கூலீப் போன்ற போதை பொருட்கள் விற்பனையை கண்டுகொள்வதில்லை என, பெற்றோர் குற்றஞ்சாட்டுகின்றனர்.

எனவே, மாவட்ட நிர்வாகம், அரசு, கல்லுாரிகளில் அமைக்கப்பட்ட போதை பொருள் தடுப்பு குழு மூலம், அனைத்து மாணவர்களிடம் விழிப்புணர்வு ஏற்படுத்தி, அவற்றின் பயன்பாட்டை முற்றிலும் ஒழிக்க வேண்டுமென, ஆசிரியர்கள் மற்றும் பெற்றோர் கோரிக்கை விடுத்துள்ளனர்.