முன்னதாக, வரும் 30ம் தேதி இரவு மிருத்சங்கி, வாஸ்துசாந்தி, விநாயகர் உற்சவம் நடைபெற உள்ளது. தொடர்ந்து, 14 நாட்கள் நடைபெறும் விழாவில், தினமும் காலை 6:00 மணிக்கும், மாலை 6:00 - இரவு 8:00 மணி வரை என, இரு வேளைகளிலும் பல்வேறு வாகனங்களில் சோமாஸ்கந்தர் வீதியுலா நடைபெறும்.

விழாவின் முக்கிய நிகழ்ச்சியான தேரோட்டம், மே 7ம் தேதி காலை 9:00 மணிக்கு நடைபெறும். வரும் 14ம் தேதி பஞ்சமூர்த்தி அபிஷேகம் மற்றும் ரிஷப வாகன சேவையுடன் சித்திரை பெருவிழா நிறைவு பெறும் என, கோவில் நிர்வாகத்தினர் தெரிவித்துள்ளனர்.