இந்த கட்டடம் பழுதடைந்துள்ள நிலையில், வேறு பகுதியில் புதிய கட்டடம் கட்டப்பட்டு செயல்பட்டு வருகிறது. இந்நிலையில், இந்த பழைய கட்டடம், உருக்குலைந்து,தளத்தின் கான்கிரீட் பெயர்ந்து இடிந்து விழும் நிலையில் கிடக்கிறது.

குடியிருப்புகளுக்கு நடுவே உள்ள இந்த கட்டடத்தை ஒட்டி கிராம நிர்வாக அலுவலகமும் இயங்கி வருகிறது. பகுதிவாசிகள் மற்றும் கிராம நிர்வாக அலுவலகத்திற்கு வரும் நபர்கள், இடிந்து விழும் நிலையில் உள்ள ஊராட்சி அலுவலக பழைய கட்டடத்தை கடந்து செல்ல வேண்டிய நிலை உள்ளது.

இதனால், விபத்து அச்சத்தில் தவித்து வருகின்றனர். பெரும் விபரீதம் ஏதும் ஏற்படும் முன், இந்த கட்டடத்தை பாதுகாப்பாக இடித்து அகற்ற வேண்டும் என, பகுதிவாசிகள் கோரிக்கை விடுத்துள்ளனர்.