அப்போது, கீழ்க்கட்டளை பேருந்து நிலையம் அருகே, சந்தேகத்திற்கு இடமான முறையில் கையில் சிறு மூட்டையுடன் நின்று கொண்டிருந்த நபரிடம் விசாரிக்க முயன்றபோது தப்பியோடினார்.

அவரை மடக்கி பிடித்து, மூட்டையை சோதனையிட்டதில் கஞ்சா இருப்பது தெரிந்தது. விசாரணையில், கேரள மாநிலம் கோழிக்கோட்டை சேர்ந்த விஷ்ணு, 27, என்பது தெரியவந்தது.

கஞ்சா போதைக்கு அடிமையான இவர் வேலை எதுவும் இல்லாததால், ஒடிசா மாநிலத்தில் இருந்து கஞ்சா கடத்தி வந்து விற்பனை செய்து வந்துள்ளார். அவரை கைது செய்த போலீசார், அவரிடம் இருந்த 6 கிலோ கஞ்சாவை பறிமுதல் செய்து, நீதிமன்றத்தில் ஆஜர்படுத்தி, சிறையில் அடைத்தனர்.