இந்த நீர்வரத்து கால்வாய், போதிய பராமரிப்பு இல்லாததால், செடிகள் வளர்ந்து புதர்மண்டி காணப்படுகிறது. தற்போது, இந்த நீர் வரத்து கால்வாய் குப்பை கொட்டும் இடமாக மாறி வருகிறது. இதனால், கூவம் ஆறு கழிவுநீர் ஆறாக மாறும் நிலை ஏற்பட்டுள்ளது.

எனவே, நீர்வள ஆதாரத் துறையினர் அரண்வாயல் பகுதியில் ஆய்வு செய்து, புதர்மண்டி குப்பை கொட்டும் இடமாக மாறிவரும் கூவம் ஆற்றிற்கு வரும் நீர்வரத்து கால்வாயை சீரமைக்க நடவடிக்கை எடுக்க வேண்டுமென, பகுதிவாசிகள் கோரிக்கை விடுத்துள்ளனர்.