ஆர்.கே.பேட்டை பஜார் வீதியில் பழமையான அனுமன் கோவில் உள்ளது. இக்கோவிலின் கும்பாபிஷேகம், நேற்று காலை 9:00 மணிக்கு நடந்தது. இதற்கான யாகசாலை பூஜை, நேற்று முன்தினம் துவங்கியது.

தொடர்ந்து, மூன்று கால பூஜைகள் நடந்து வந்தன. நேற்று காலை நான்காம் கால பூஜையை தொடர்ந்து, காலை 9:00 மணிக்கு யாகசாலையில் இருந்து புனிதநீர் கலசங்கள், கோவில் கோபுரத்திற்கு எடுத்து செல்லப்பட்டு, புனிதநீர் ஊற்றி கும்பாபிஷேகம் நடத்தப்பட்டது. மாலை 6:00 மணிக்கு சிறப்பு பாராயணம் நடத்தப்பட்டது.