அது குறித்த எச்சரிக்கை பதாகை, சாலையில் பதிக்கும் பிரதிபலிப்பான்களும் பொருத்தப்பட்டன. ஆனாலும், அந்த பகுதியில் மரங்கள் அடர்ந்துள்ளதால், நிழல் படர்ந்துள்ளது. இதனால், வாகன ஓட்டிகளால் வேகத்தடையை கவனிக்க முடியவில்லை. இதனால், தினசரி ஏராளமான வாகன ஓட்டிகள் இந்த வேகத்தடையை கடக்கும் போது நிலை தடுமாறி விழுந்து எழுந்து செல்கின்றனர்.

நேற்று காலை இந்த வேகத்தடையை வேகமாக கடந்து சென்ற சரக்கு வாகனம் ஒன்று நிலை தடுமாறி குலுங்கியதில், அதில் இருந்து காய்கறி மூட்டைகள் சாலையில் சிதறி விழுந்தன. இதனால், பின்னால் வந்து கொண்டிருந்த வாகன ஓட்டிகள் அதிர்ச்சி அடைந்தனர்.

வேக தடையை பள்ளி நுழைவாயில் எதிரே நிழல் சூழ்ந்த பகுதியில் அமைத்ததற்கு மாறாக, சற்று தொலைவில், வெளிச்சமான பகுதியில் அமைத்திருக்கலாம் என வாகன ஓட்டிகள் தெரிவிக்கின்றனர்.